السبت، يوليو 04، 2009

إنسان ما عنده شرف !

رساله حبيت اوجهها حق واحد ما يخاف ربه
الحين انت تهكر أجهزة الأوادم وتبطل عليهم الكام
عبالك هذي الرجوله ؟ والله اقص إيدي إذا انت ريال
وياي من ظهر ريال بس للأسف ابوي ما يقدر إلا على امي
الله لا يوفقك إنشالله لا دنيا ولا آخره , ويوريك بخواتك واهلك قول آمييين
ومثل ما تبطل الكام على بنات خلق الله , إنشالله يصير بخواتك مثل ما صار فينا
وعسى الله لا يريح بالك ثانيه وحده , مادري شهالعقليه الصراحه
شستفدت من هالحركه حلفتك بالله ؟
ماكو هدف طبعاً بس يمكن تزيد حصيلة صور البنات اللي عندك
إنت إنسان مريييييض فعلاً !!
إلهي بحق هاليوم تنشل إيدك
.
.
.
.
إيميلي وإنباق
فلكل من ضافني هند وساره إيميلاتكم إنمسحوا من عندي
دزولي إياهم تعليق بس انا راح احطه مخفي عشان محد يشوفه غيري

12 التعليقات:

~ هند ~ يقول...

:(
شلون صار .. أمس مكلمتج :(

أجرب انه التعليق ما يظهر..

حَافِـيَةُ الَقَدمَيّـنْ ولِبَاسِي المَطـرْ يقول...

هند :
شسوي ياوخيتي :(
والله قلبي معورني عليييه
عشرة عمر انا وياه :(
قاعده احاول ارده :(
ادعولي

غير معرف يقول...

الله يتقبل كل دعوه دعيتيها على عديم الشرف اللي ما يستحي على ويها جليل الاخلاق و التربيه ..

حَافِـيَةُ الَقَدمَيّـنْ ولِبَاسِي المَطـرْ يقول...

غير معرف :
آميييييين
شكراً

ملكة ~ يقول...

الصباح وايد رايق بمدونتج (:
ودعوة المظلوم مستجابة..ياحافية كثري منها ..

حَافِـيَةُ الَقَدمَيّـنْ ولِبَاسِي المَطـرْ يقول...

ملكه ~ :
تعبت وأنا ادعي بس الله كريم :(
مشكوره حبيبتي عالمرور :*

ثلجيّة القلبْ والأقراطْ .، يقول...

هههههههههههههه ,
كليتي الصبي و آخر شي طلعت بنت :×
يالله ما عليه حصل خير
و نتمنى لج التوفيق بإيميلج اليديد P:
أو إن شاءالله يردولج الإيميل =(

حَافِـيَةُ الَقَدمَيّـنْ ولِبَاسِي المَطـرْ يقول...

ثلجيه :
لوول حارتني بنت العقد :(
الله لا يوفقها ولا يهنيها بإيميلي
يعني ليش انا من بد البنات باقته :@ !

علي الملا يقول...

اختي
اممممم
اذا تذكرين بعض البايانات عن ايميلج المبيوق وبعض التفاصيل تقدرين تردينه
خبريني بدز لج استمارة الكترونية تملينها وتدزينها حق مايكروسوفت وراح يردون عليج خلال يوم او يومين بس اذا تاكدوا ان بياناتج صح يرجعون ايميلج ولي الحلاوة انتظرها :)

حَافِـيَةُ الَقَدمَيّـنْ ولِبَاسِي المَطـرْ يقول...

علي :
والله وانا اخيتك المعلومات شكله مغيرها
لان حاولت كذا مره وما ضبط معاي
والمشكله إن الإيميل البديل اللي حاطته !
باقه بعد :/
بس إنت ما عليك أمر دزلي الإيميل
خل اجرب جود يضرب الحظ معاي
ومشكور ادري بتعبك

علي الملا يقول...

لا ياستي ما عليج انتي بس املئي الاستماره بالبيانات المطلوبه واهم في المايكروسوفت يشوفون البيانات ويراجعوها
مثلا يبون اخر باسورد كان قبل ما يغيره السارق
واخر سؤال سري واخر ايميل بديل واخر مره استعملتي الايميل ووو

انا حاليا شابك من الموبايل وماعندي اللينك اهني لازم ارد من الجامعه وارسله

حَافِـيَةُ الَقَدمَيّـنْ ولِبَاسِي المَطـرْ يقول...

علي :
مممم إنشالله
بكتب اللي اعرفه وإنشالله يردون ي الإيميل
,,,,,
أدري تعبتك علي :×
مشكور ويعطيك العافيه
وإن رد صج لك الحلاوه p;