الأربعاء، يونيو 02، 2010

التاج + إعلان


قوانين التاج السلطاني:
1- اذكر اسم من طلب منك حل هذا الواجب
Nouf \ وَلاء العُريبي \ أبلتي الوتين


2- تحدث عن ستة أسرار قد لا يكتشفها من يقابلك للمرة الأولى
أ - إن لما بابا يقعدني حق صلاة الفير , أقعد أخربط , وأحياناً امشى وانا نايمة , وأحياناً كثيرة
I takes off my clothes
واحط على جتفي عباية وأمسك الريموت كنترول جنه " مايك " واقعد بالصاله
فبالتالي كانت فقرة الكوميديا في تمام الساعة 4 فجراً بالنسبة حق ابوي

ب - إني مازلت تكرمون لما أدش الحمام " أبطل الستارة " عادة اكتسبتها واتمنى اتخلص منها
ج - إني لما كنت صغيرة كنت اخاف من الفلاش , فأغلب صوري كلا باجيه فيهم LoooL

د - أتقبل أي شي من الغريب , إلا الناس القراب مني ما اتقبل منهم أي شي خصوصاً الإنتقادات .. أدري مفروض العكس

ه - أصغر من توأمي بخمس دقايق , واللي يشوفنا ينصدم إني اصغر , لأني ملسونه وملامحي أكبر منها

و- عصبيتي إذا زادت عن الخط الأحمر المخصص لها تتحول حق وقاحة ( وهذا اعتراف ثمين مني LoL ) , لي درجه إني مره طردت وحده من أهلنا وكانت اكبر مني من البيت , بس تستاهل عادي , فـ أتمنى اضبط نفسي واعرف حدود عصبيتي
سر زياده بما اني كريمه : اكل الكورن فليكس مع لبن مراعي يم يم

كلمة أخيرة : المظهر خداع , مثل ما يخدعني غالباً
أحول الـ Home work لـ

أخيراً : افتتحت موقعي , وكله جم يوم اعطيكم الرابط بس بخلص من جم شي
ثاني شي : محتاجه دعواتكم , فكرة إني انزل كتاب خواطر كنسلتها مع العلم إني كنت مخلصته
قاعده أبلش بشي يديد علي .. محد سامعه أو قاريه من قبل
أتمنى الله يوفقني وأقدر أرضي انتظاركم

شكراً لكم عايلتي الثانيه

25 التعليقات:

نمووول يقول...

ههههههههههههههههههه
العباية تحطينها على جتفج ليش ؟
بتسوقين تنكر ؟

الوتين ابلتج ؟

-----------------
يمكن انتي اول وحدة تقول اسرارها, الحين بحل الواجب بمدح نفسي فيه ..

-----------------

على البركة افتتاح الموقع
وبالتوفيق ان شاء الله ,,
ناطرين الرابط ..

صباح الخير ,,

حَافِـيَةُ الَقَدمَيّـنْ ولِبَاسِي المَطـرْ يقول...

ههههههه اضحك يبا اضحك

في الحقيقه والواقع علمي علمك مادري ليش اسوي جذي
مره ابوي قعدني جان ادش البانيو
توني يايه بستعد حق السباحه وبفصخ هدومي جان يقعدوني حزتها كان عمري 12 يمكن
------
جان زين ابلتي , لا بس احب اناديها ابله هيهي
------
مانبي مدح , كلنا نعرف نمدح
نبي اسرار خفيه
ماوراء شخصية نمووول المرحة
وجي يعني , بكل شي انا سباقه شفت
------
الله يبارك فيك , عؤبال ما تشرفنا
اجمعين عمي
------

صباح التعب والإرهاق D;

علي إسماعيل الشطي يقول...

تمنياتي لك بالتوفيق في افتتاح الموقع

تحياتي لك

أحمد الحيدر يقول...

سلام ..

صج أسرار عجيبة ..

حسافة ليش كنسلتي كتاب الخواطر ؟ كنا متشوقين له .. ما شاء الله إبداعج مميز دائما .. وبالتوفيق بالكتاب الجديد :)

الموقع عبارة عن شنو ؟ ومتى الافتتاح انشالله ؟

تحياتي ..

~ هند ~ يقول...

أسرار أسرار :)

يلا أتريا يديدج .. شوقتيني :*

7osen يقول...

اجوبي حلوووة

لايقه عليج
:)


الله يوفقج ان شاءالله
انتي موهوبة وتستاهلين

بانتظار رابط الموقع والخطوة اليديدة

تحياتي عزيزتي

الوتيــــــــــن يقول...

أول شي زعلتيني منج .. ليش كنسلتي؟ انتي عاد بالذات كنت فخورة لو شفت منج شي .. لانج تصيرين أصغر أديبة مدونة

اما عن أسرارك فا انتاي تحفة على سالفة صلاة الفجر .. يعني لو أحد حاس بضيجه يروح يقعدج للصلاة هههه .. عسل


وستارة الحمام هاذي ستل عندي همن لمن انام في بيت خالتي ابطل ستارتهم خصوصا بالليل

وهديتي لج كامرة فلاش قوي ;9 >> بس تعالي كبرتي ماينفع ماقمتي تخافين



عندج توأم؟

شلون كلمينا عنها *_*


وبالأخير مبين عليج عصبية مع شوية غرور أنثى عنونه حلو


مساج ورد

حَافِـيَةُ الَقَدمَيّـنْ ولِبَاسِي المَطـرْ يقول...

علي اسماعيل :

شكراً أخ علي , حضورك يشرفني
ودعواتك تثريني

دمت

ولاء العُريبي يقول...

أجوبتج حلوة ومختلفة تماماً عن الكل
تقريباً ماقلتي اسرار شخصيتج قلتي شطاناتج و حركاتج الطفوليه
>> يعني غااارت الحين بتروح تكتب شطاناتها

بس ماقط ذكرتي عندج توأم ؟
المفروض تحتل الجزء الأكبر من تدوينج

ويلا ترانا بننتظر الموقع وماتقومين وتكنسلينه بعد ..

موفقة لكل خير

^___^

حَافِـيَةُ الَقَدمَيّـنْ ولِبَاسِي المَطـرْ يقول...

أحمد الحيدر :
عليكم السلام والرحمه
يا هلا بوكوثر
----
لوول شفت شلون
بيني وبينك كخطوة أولى أحسها مو ناجحه
عندنا القراء بشكل قليل جداً
ويميلون حق أنواع معينة للكتب
أكثرها الروايات والقصص
----
فصعب جداً إن خطوتي الأولى تكون بهالنمط
اعتقد إذا نزلته راح تصير فيني انتكاسة
يمكن بشوف ماكو اهتمام من القراء بهالنمط
كثر الروايات , وادري مفروض ما اقارن
طبعاً قرايتكم اهي اللي تهمني
بس ابي اقدم مادة مقروءة وتوصل للواقع بطريقة سلسة جداً وبسيطة
----
الموقع عبارة عن اقسام
فيها خواطر
فيها مقابلات مع مدونين كل اسبوع
فيها صور تتكلم
وفي خطوط حمراء
انشالله بتتعرفون عالأقسام قريب
----
مشكور يابوكوثر على حضورك الذهبي
شرفتنا

حَافِـيَةُ الَقَدمَيّـنْ ولِبَاسِي المَطـرْ يقول...

هند :

يا بعدهم إنتي :*
دعواتج إنتي بس , وكل شي يصير Ok

يازين هالطله

حَافِـيَةُ الَقَدمَيّـنْ ولِبَاسِي المَطـرْ يقول...

7osen :

لوول .. مشكور زيد
ويوفقك إنشالله , ويعطيك على قد نيتك

قريباً إنشالله ..
شكراً لحضورك

حَافِـيَةُ الَقَدمَيّـنْ ولِبَاسِي المَطـرْ يقول...

الوتين :
ليش ليش ؟
بتشوفين إنشالله مني اشياء
بس الخواطر مابيها تكون خطوة أولى
فكرت إني أأجلها مؤقتاً
هذا اللي مفرحني , إني حزتها بكون أصغر مدونه p;
تربت موهبتها بيت اياديكم :*
-----
لووووول من صجج , المشكله الفشيله لي قمت الصبح
كنت احط ايدي على قلبي كل يوم , لا اسوي شي جايد
لو امي تقعدني يهون عادي , بس ابوي فشله يعني عرفتي
إنتي العسل :*
-----
لوول انا قايله بيت المستقبل مستحيل في ستاره حق الحمام
ههههههههه لا أوريج الصوره اللي معلقتها بغرفتي
عيوني محومره والخشم احممممر من البجي
-----
إيي عندي
الله يسلمج .. عكسي تماماً تماماً
كانت هادية وانا عصبيه
اهي بيضه , وانا سميرة نوعاً ما
الي يشوفنا ينصدم إنا احنا توائم
اهي شرق وانا غرب
تكتب خواطر , واحلى مني بعد
بس غامضه وما تحب احد يقرى اللي تكتبه
واهي اللي شجعتني اكتب بس بشكل مو مباشر
يعني الفضل يعود لها
صج إنا هالفتره صايرين ديج وديايه من الهواش
بس اعز وحده على قلبي ,
بيني وبينج
البيت مايسوى من دونها
------
عصبيه إي , بس مغروره :( عورت قلبي هالكلمه

مساج اللولو :)

حَافِـيَةُ الَقَدمَيّـنْ ولِبَاسِي المَطـرْ يقول...

ولاء العُريبي :
لوول إييي , قلت أبي اجاوب بضمير شوي
بعيداً عن شخصيتي اللي الكل اتوقع عرف
شاللي احبه واكرهه
يالله عاد احلى شي عندي اقرى عن طفولة الناس
متعه متعه
----
إمبلى عندي توأم
اذكر مره كتبت خاطره عن يوم ولادتنا
انا وياها
----
لا لا ما اكنسله بإذن الله
مشكوره ولوءه على حضورج :*

Reem يقول...

أسرارج خطيرة ؛)
Oo my homework .. Done =)
http://remaq8.blogspot.com/2010/05/blog-post_30.html

بالمبارك إفتتاح الموقع ، يعطيج خيره و يكافيج شره يارب .. و موفقة بكل خطوة تخطينها إن شاء الله ، و عسى فيها خيره لج :) ..

و على فكرة ..
الصورة زقرت ؛)

حَافِـيَةُ الَقَدمَيّـنْ ولِبَاسِي المَطـرْ يقول...

Reem :
تصدقين كنت داشه بلوقج ..
وقاريه الهوم وورك !
بس مادري شفيني , صايره نسايه لول
---
يبارك بعمرج , تسلمين حبيبتي
ويوفقج إنشالله ..
---
جان زين تحطيلي إيميلج بـ رد
وماني ظاهرته
أبيج بشغله

:*

لولا الأمل يقول...

لووووووول .. اهم شي صورج كله باجيه :P

بالنسبة للكتاب .. وايد حلو انه يكون في كتاب يحمل فكرة يديدة .. هالشي بيقويج خصوصا ان هذا اصدارج الاول ... فأكيد تبينه قوي

ومشكورة جدا على التااج .. التاج بمن اهداه .. يشرفنا والله .. بس حدي كسوول مو مفتك من واجبات الجامعة هالمرة تييني المدونة :P

مشكورة حافية القدمين

حَافِـيَةُ الَقَدمَيّـنْ ولِبَاسِي المَطـرْ يقول...

لولا الأمل :

هههههه إي وحياتك كلا باجيه
---
ممم اهو مو شي يديد على الساحة الأدبية أو القراء , بس شي يديد علي انا , اول مره اختبره بقلمي ,
اتمنى أن يلامس الواقع , اكثر من إن يحرز نجاح , الأهم من اللي بسويه كله
إني اكون صادقه بكل كلمة أكتبها
تمثل مجتمعنا أو الحياة الحين !
---
ممم خلاص عيل بعذرك إذا ما سويت الإختبار , الله يكون بعونكم

موفق إنشالله ..
متى ناوي ترد ؟

mazyona يقول...

هههههههههههههه
حلوه
تسلمين

غير معرف يقول...

ايميل يجعلك من اصحاب الملايين

بقلم الدكتور محسن الصفار

جلس سعيد أمام جهاز الكمبيوتر اللذي اشتراه حديثا وتعرف للتو على عالم الانترنت الواسع , اخذ يقرا بريده الالكتروني وأخذ يتفحص الرسائل الواحدة تلو الأخرى حتى وصل إلى رسالة باللغة الانجليزية عنوانها (شخصي وسري للغاية) فتح سعيد الرسالة وقرأ نصها فكان مضمونه أن المرسل هو ابن لرئيس أفريقي سابق خلع من السلطة وأن والده أودع مبلغاً وقدره 100 مليون دولار في أحد البنوك وأن الأسرة لا تستطيع استخراج المبلغ إلا عن طريق حساب مصرفي لشخص ثالث ويعرض مرسل الرسالة على سعيد أن يعطيه 40% من المبلغ أي 40 مليون دولار فقط إن كان هو مستعداً لتقبل هذا المبلغ على حسابه الشخصي. لم يعر سعيد أهمية كبيرة للرسالة في باديء الأمر ولكن الفكرة في امتلاك 40 مليون دولار دون أي جهد بدأت تحلو له شيئاً فشيئاً واخذ الطمع يتغلغل في نفسه , أرسل سعيد رسالة رد إلى المرسل وسأله: - هل هنك من مخاطر في هذه العملية؟ جاء الرد بسرعة: - لا لا أبداً ليس هناك من مخاطر أبداً أبداً ولكنك يجب ان تحافظ على السرية الكاملة ضمانا لنجاح العملية . ردّ سعيد على الرسالة: - هل من مصاريف يجب أن أدفعها؟ جاءه الرد: - لا لا أبداً فنحن نتكفل بكل شيء أرجوك يا سيدي ساعدنا وستصبح أنت أيضاً من أصحاب الملايين. من أصحاب الملايين!! كم هي جميلة هذه الكلمة وأخذ سعيد يحلم بأنه يسكن قصراً ويركب أفخم السيارات ويمتلك طائرة خاصة وو...... وفجأة وجد سعيد نفسه وقد أرسل رسالة فيها رقم حسابه المصرفي واسم البنك، وبعد يومين جاءه بريد الكتروني مرفقة به رسالة عليها أختام حكومية تفيد بأن وزارة المالية في ذلك البلد الأفريقي لا تمانع من تحويل المبلغ إلى حساب سعيد.... باقى


ايميل يجعلك من اصحاب الملايين.. القصة و المزيد من مقالات الدكتور محسن الصفار الهادفة الخفيفة الظل موجودة بالرابط التالى

www.ouregypt.us

و لا يفوتك الذهاب لصفحة من الشرق و الغرب بنفس الرابط و فيها الكثير من المقالات الجيدة.

حَافِـيَةُ الَقَدمَيّـنْ ولِبَاسِي المَطـرْ يقول...

مزيونه :

دوم الضحكه إنشالله ,
حياج الله حبيبتي

حَافِـيَةُ الَقَدمَيّـنْ ولِبَاسِي المَطـرْ يقول...

غير معرف :

مشكور و وقواك الله

نمووول يقول...

"صج إنا هالفتره صايرين ديج وديايه من الهواش"

الدي ما يتهاوش مع الدياية
الديج يتناجر مع الدياجة على الدياي عرفتي ؟

الحين منو فيكم الديج ؟

مساء الخير ,,

حَافِـيَةُ الَقَدمَيّـنْ ولِبَاسِي المَطـرْ يقول...

نمووول :

ممم والله مادري
كل واحد يشوف نفسه اهو الديج
لوول بس سابقاً , انا كنت الديج
نجره وهواش واحياناً كثيرة طق
طبعاً الطق اختفى الحين , حفاظاً على ماي ويوهنا

بس نجرتنا حلوه بوخمس دقايق
تالي نسولف مع بعض

مساك النور

(حلـم)،، يقول...

اعجبتني


نصف صراحتك الوقحة




اما النصف الاخر



سيهطل يوما



دائما تروقيني


يا خوارجية


خدي راحتك في العزف


والحني بالعزوف كما تشائين


السلام يا كوتية


يا حافية


يا لبسة الورد الهموس


انا حلم