الأحد، يونيو 06، 2010

رايةُ السَمْراء




سمراء تكسر الأحجار والبلور
في روح عينيها
وترسم القنا والبيض من أَول
أنفها إلى شفتيها
أسدلت ستار شعرها ,
فصفق الجمهور !
وما أعظم من إسدال ستارها
سوى رؤياها ؟
وما أضحى القمر في وجهها
إلا نطفة ,
اجتاحت ميدان حاجبها و عينيها
كل النفوس لمرآها تحن ,

وترصد روحها أَول تعداد لقتلاها
مجزرة الإغواء أسكنت صدرها
وما الفتنة خالقها إلا سواها
سمراء كُفي
عن جذبِ أقطاب الرجال إليكِ
فالضغط في ميدان القتال كبير
و أرضي بكسر القلب بين يديكِ
فالنمل بين لعنتك كثير
فتات خبز كانت قبلتك
والجمع قاسمها , هو والحشد الغفير
والحلم توسد رمشك
والقلب أعلن وقت الصفير
سمراء كفي عن أذية قلبي
فالحب شهد على روحي عصيب
من نسل يوسف كنتِ
و الجمال فيك لا يخيب
ودم الذئب على قميصك
كان بين يديكِ رمزاً عجيب
رمشكِ الفتان رمح
فأهديني وقت القتال منه نصيب
علّي أفوز في دنيا الهوى
فتكوني أنت إليَّ من النصر قريب
حبك يا سمرائتي الحلوة
أفنى الحزن في عمري ,
وأجتاح في ليلي المشيب
إن كان حب السمراء خطيئة
فأعلمي أن الخطيئة تلبستني
من أول شِعري
إلى آخر بيت في القصيد
=
=
لحد يقولي الصورة تخرع , ترى جد عاجبتني
قلنا نمدح بني لوننا قليلاً :p

43 التعليقات:

نمووول يقول...

"قلنا نمدح بني لوننا قليلاً"
انتي سمرة ؟ مو مقتنع :)

بس زين كتبتي شي عنا
اموت بالادمة انا

تصدقين حسيت بنفسيتج من خلال النص
احس انج فرحانه, مادري ليش يمكن لان النص فرحني .. الله يديم السعادة عليج قولي امين

مادري شنو امدح بالنص, بس عجبتني المفردات فيه جزلة, ولو مو بمدونتج جان ما عرفت الاسلوب لان فيه امممم ......
بس بقول انه من اروع ما قرأته لك
ومن غير مجاملات الخاتمه تهز الوجدان هز ..
"إن كان حب السمراء خطيئة
فأعلمي أن الخطيئة تلبستني
من أول شِعري
إلى آخر بيت في القصيد"

------------------
الصورة ما تخرع بس لون العدسات غلط

تحياتي لأميرة الحرف ..
دمتي بخير ,,

حَافِـيَةُ الَقَدمَيّـنْ ولِبَاسِي المَطـرْ يقول...

نمووول :
ممم مو سمار اللي بالصورة
بس نسبة حق خواتي أنا مو بيضة
لوني يحير , سمار على حمار على مادري شنو
----
لووول دم ضروسي البيض
شلون ماتبيني اكتب عنكم
----
شي حلو إن نفسيتي قامت تنعكس عالكلمات
تقدر تقول مرتاحه اكثر من إني مستانسه , ويديمه عليك يارب
----
فيه شو ؟
مايحتاي تمدح فهمت اللي بتقوله
مشكور وما تقصر , يعني هزت وجدانك البارد ؟
أولالاااااه ;)
----
إي عشان جي عجبتني
لأن فيها شي غريب مثل الطفره لو كانت لو عيونها صجيّه
----
يازين القابك .. مره مهندسة ومره أميرة الحرف
لوول مشكور ومن طيب أصلك
وجودك يعنيلي الكثير

قوس قزح يقول...

آه منها السمراء ومن جمالها ,,,
تسحر القلوب قبل العقول ..
الصورة لا بأس بها لكن تذكرنى بالمانيكان أو فتيات الديمو السمر
اللتى كنا نراها ونحن صغار و نخاف منها ...
... لكن ما كتبت اليوم عن السمراوات يأخذ العقل ..
... يعطيك العافية يا رب

سلة ميوّة يقول...

يازين السمار زييننااااه

لو ماهو زين ماباعو التان بالشيء الكثير:)




بس ليش دم ضروسج البيض:(
ترى هم قالو فينا أشعار:(



ويازين ردّتج من زمان ماقريت لج
وانا الي متعوده اكحل عيني بنصوصج كل يومين


ربي يحفظج ويحميج ويحمي هالافكار الحلوة من العين
ويوفقج دايماً وابداً


حبي:*

ولاء العُريبي يقول...

احترت أي الأبيات أقتبس لأعبر عن شدة إعجابي, إذ بـِ كُل بيت يتنافس مع الآخر ويفوقه جمالا

..

من نسل يوسف كنتِ
و الجمال فيك لا يخيب

ولكن هُنا أفرط الشطرين في الجمال وتخطى حدوده

..

سم ضروسج البيض ؟ لا عاد خلج محايدة وعن العنصرية هههه
تصدقين عاد أنا بعد ماحب البياض الـover رُغم إني بيضة, بس يعجبني لوني شلون هاي التركيبة مادري
والسمار حلو وجذاب بس ما اتمنى اكون سمرة احس ما بطيح
يعني أساس الجمال الملامح والبعض يبرز جماله السمار و البعض يبرز جماله البياض
بس البياض الـover عمره ماكان حلو

روعة والله , تسلمين حافية دوم تمتعينا بالجديد
اي وترى الصورة ما تخرع بالعكس جداً حلوة بس تمنيت لو حطيتي صورة تبرز السمار العربي هذي تميل إلى الأفريقي شوي ^_^

7osen يقول...

جميلة الكلمات

الحلو فيج إنج تعيشين مشاعر الطرف الأخر وتتصورينها بشكل دقيق
احييج على هالنص .. فيه صور جميلة

أستمري

والصورة بالعكس أنا اشوفها واايد حلوة

حَافِـيَةُ الَقَدمَيّـنْ ولِبَاسِي المَطـرْ يقول...

قوس قزح :

رُغم غمقْ البشرة أحياناً
إلا أني أجدُ فتيات سمراوات , لهن ملامح !
قاتلة ..
" بالعامي .. ملح الدنيا فيهم "
---
لم أفكر كثيراً بإختيار الصوره ,
لأني أحببتها , ووجدتها في ملف الصور
أقرب إلى قلب هذه الكلمات
---
قزح ..
مرورك يَرسمُ على إبتسامتي
ألوان القُزح
كُن بالدوام هُنا

حَافِـيَةُ الَقَدمَيّـنْ ولِبَاسِي المَطـرْ يقول...

سلّة ميوه :

إيييي والله ..
فوق ما احنا نص سمر , اطمع اخذ تان سنع هالصيف
بس تصدقين سمار عن الثاني يفرق
في سمار وصخ .. وسمار حلو
اعتقد فاهمه قصدي عن السمار الوصخ شقصد فيه
---
ماحبهم ميوه :(
احس جني أشوف الثلج جدامي
البياض الناصع يقتلني !!
أوكي البياض على السمار , أو اللي مو over
أقدر اتقبله
وفي ناس تجبرني احبها من اسلوبها , وشخصيتها
مثلج .. دشيتي قلبي من دون ماشوفج :*
---
حيااتي إنتي , ماتقصرين .. ويوفقج قولي آمين
صج إني مقصررره حيل حيل معاج
بس صدقيني لأني ماتابعت القصة , ومابي اقراها من النص
ناطرتج تخلصينها عشان اقعد عليها عدل بالعطله
السموحه يالغاليه

حَافِـيَةُ الَقَدمَيّـنْ ولِبَاسِي المَطـرْ يقول...

ولاء العريبي :
لأنج ذويقه تدرين ؟
عيونج الحلوه حبيبتي
---
إي هذا اهو .. اللي حيل احسه بيض
جنهم طوّف .. احس إني اختنق لما اشوفهم
وما استلطفهم نهائياً
عندنا وحده مشالله جمييييله عيون ملونه
وبيضه والكل يحبها
إلا انا .. أكرهها !
والسبه لونها يقتلني .. مو غيره ولا شي
الحمدلله الله خلقني مو بيضه لول
بس ماحبهم خلقةً
---
إيي بالضبط في بنات بيض وملامحهم حلوه
وسمر بعد ملامح , وتقاسيم ويوهم بتاخد العئل
---
حبيبتي .. الله يديم وجودج اهني
يختي السمار العربي مو موجود بالصور
بعد ماقريت ردج .. عيزت وانا ادور خليجيات سمر حلوين
كلهم الأساس تارس ويوهم وصايرين مو بيض !
بياض على رمادي .. الجلح ههه

حَافِـيَةُ الَقَدمَيّـنْ ولِبَاسِي المَطـرْ يقول...

حسين :

لأن أمنيتي صج صج
إني أجسد حب الرجل بقلمي
اساساً انا بنيه .. فماعرف الطرف الآخر شلون يفكر
وشنو يحس .. وشلون يتعامل
--
فأحاول قدر الإمكان إني اتعمق بقلوبهم
احاول افهمهم .. واشوف نقطة ضعفهم
عشان أقدر اجسد هالشي
---
وبالأخير أنتوا ادرى باللي اكتبه
بما انكم الطرف الآخر .. إنشالله اكون اتقنت الوصف

مُعاويشتَاينْ يقول...

"حبك يا سمرائتي الحلوة
أفنى الحزن في عمري ,
إن كان حب السمراء خطيئة
فأعلمي أن الخطيئة تلبستني .... "

الله الله
أصفّق لك ِ بقوّة ..

جَميل جداً ما قرأتُ هنا..
وبالذات أنّ الحديثَ هنا عن السّمارَة..
وكأنّي أهدي هَذه الكَلمات لِنفسي ،

بَعض السمراواتِ مُذهلات يَأخذنَ العُقول !
حُقّ لكلّ سمراء..
أن ترى هذه و ترفعُ رأسهَا ..

تحياتي لكِ
أيّتها السمراءُ المحمرّة :)

Fahad Al Askr يقول...

حبج سباني يا سمرة

أحلى شي السمر

fatma alshatti يقول...

رمشك الفتان رمح
فاهديني وقت القتال منه نصيب
علي افوز في دنياالهوى
فتكوني انت الي من النصر قريب

عجبني هالمقطع وايد ماادري ليش.


الله ياني اليوم فرحانةلانج كتبتي لان هالمده كنت ضايعه وتعودت ان اقر خواطرج وكلما ادش المدونة ما اشوف شي يضيق خلقي بس الحمدلله من فتحت الصفحة وشفت شي يديد استانست.


وايد عجبني احساسج ووصفج للسمر بس انتي موسمرة انتي ينقالج حنطاوية صج انج اسمر وحده بخواتج بس انت الملح الجمال كله موعبالج انا امج وامدحج بس انتي جميلة وقلبج اجمل .الله يوفقج ويخليج لي يابعدقلبي.

حَافِـيَةُ الَقَدمَيّـنْ ولِبَاسِي المَطـرْ يقول...

مُعاويشتَاينْ :

وتَرقصُ إبتسامتي عَلى نَغماتِ تصفيقكْ
--
جدا ً يا سيدي ..
مهما تتعددُ الألوان , إلا أنك تَرى أن السمراوات
يحملن جَمالاً حاراً , أجملُ من برودِ البيضاواتْ كَما الثلجْ
--
شكراً لكَ سيدي ,
لطالما أحبُ حديثكَ هنا
يعطيني رُقي مميزْ
--
مُعاويه ..
أدامكَ اللهُ ظِلالاً لمودتي

حَافِـيَةُ الَقَدمَيّـنْ ولِبَاسِي المَطـرْ يقول...

فهد العسكر :

حبج سباني يا سمرة وسرق ليلي ..
ولا أقدر أعصي أمره آه يا ويلي


الله عالذوق , احييك

حَافِـيَةُ الَقَدمَيّـنْ ولِبَاسِي المَطـرْ يقول...

فاطمة الشطي :
هههه لأنج ذويقه تعرفين تختارين
إي عادي .. خبرج مقطعين الدراسة
ومانذوق النوم ,
فالمود صفرر
---
المهم إني مو بيضه
سمره حنطاويه نفس اللون تقريباً
لا لا لا ماما !
جذي برفع خشمي ترى , واشيخ على خواتي
"بس انت الملح الجمال كله"
أولالاااااااه .. شينومني بليل -_-
---
بعد عمري ,, الله يخليج لنا إنشالله
ولا يحرمنا منج :* .. لولاج جان ماشفتي كل وحده فينا
ترفع الراس
---
بعدين شمقعدج لي هالحزه
خبري فيج نايمه :p

fatma alshatti يقول...

اشلون اييني النوم وابوج موموجود الله يرده بالسلامه انشالله.

حَافِـيَةُ الَقَدمَيّـنْ ولِبَاسِي المَطـرْ يقول...

اموتنْ بالحب انا :p
يالله مابقى شي الأربعا راد انشالله

Antonio يقول...

سيدة الفصحى

لا تجاري الكلمات كلماتك

مبدعة بوصف السمراء

تضيع الكلمات الجميلة بوصف
من اجمل منها ...

تقبلي انقطاعي
وان عدت لا اجد الا مايمتعني

سيده الفصحى
ولباسي المطر

دمتي بالف خير

كبرياء وردة يقول...

وترى لصورة عجيبة :)

كبرياء وردة يقول...

إن كان حب السمراء خطيئة
فأعلمي أن الخطيئة تلبستني
من أول شِعري
إلى آخر بيت في القصيد

الله عليج
وايد حبيت النص
فديت السمر :p
يعني مارح تكتبين عن البيض :p

حَافِـيَةُ الَقَدمَيّـنْ ولِبَاسِي المَطـرْ يقول...

Antonio :

تترامى علي الألقاب , ولا أعلمُ أياً منها أضمها إلى صدري !

شكراً لوجودك , واحذر أن تغيب عن هذا العالمْ
فالأرواح هنا هي من تنسج الكلمات

سيدي الرائع ..
دُمتَ تحت غيمتي تَتلذذُ بهطولي

حَافِـيَةُ الَقَدمَيّـنْ ولِبَاسِي المَطـرْ يقول...

كبرياء وردة :

حبتج العافيه :*
لوول إي والله , لذيذين :p

مممم يمكن
بس ماراح تكون من قلب :p

الوتيــــــــــن يقول...

والله ياخيتي على حسب درجة الصبغة *_^

واللي بالصورة ماقوم حظها إلا انج قلتي عاجبتج بعد شنسوي :9

حياتي ... جميل كالعادة وأجمل من العادة

بس وين الدراسة ها !!!! أعلم عليج يقطعون اماي والكهربا ^_-

مسالككاو

حَافِـيَةُ الَقَدمَيّـنْ ولِبَاسِي المَطـرْ يقول...

الوتين :
تصدقين اليوم توأمي كانت قاعده يمي وشافت الصوره , قالتلي ويع ! من حلاتها حاطتها !
---
بعد عمري والله :*
الدراسه والله كل ما ابطل الكتاب ادرس شوي , يا إني الهى وما اكمل , او مالي خلق .. باخذ بريك محترم قبل الفاينل
---
اليوم كنا نتكلم عنج عالعشا :*

قلم ومسّاحة يقول...

شعر جميل اندمجت معاه، ويعطيج العافية وايد، كل بيت وقفت عليه أتأمل المعنى أكثر من مرة.. روعة وإلى الأمام

بـابـل يقول...

وما أضحى القمر في وجهها
إلا نطفة

الله الله عجبني هالمقطع وااايد


مبدعة كالعادة

الوتيــــــــــن يقول...

@@ تتكلمةن عني؟؟؟

بخصوص الدروس الخصوصية فا آنا اعطي الحصة بعشرين تعرفين الدنيه غلت ... ةالماي ةالجاي والجكاير عليكم " خوش مدرسة :+ "

احلى ما بالصوؤة التان ةلةن عيونها .. بس الحواجب ةالبوز متعةب عليهم :$

الله يفتح عليج وعلى كل طالب فتوح العارفين ةيةفقكم ةلا يضيع تعبكم يارب :*

هوبتي يقول...

راااااااااااااااائعه جدا جدا جدا
عجبتني جدااااااااااااا

حَافِـيَةُ الَقَدمَيّـنْ ولِبَاسِي المَطـرْ يقول...

قلم ومساحة:
الله يعافيك تسلم ماتقصر
نورت المكان بطلتك
مادري ليش كلا اقولك مساحة وقلم
بدل القلم والمساحه

حَافِـيَةُ الَقَدمَيّـنْ ولِبَاسِي المَطـرْ يقول...

بابل :

يا هلااااا بابل , من زمان عنك بصفحتي
تسلم ياخوي من ذوقك
حياك الله , ولا تطول الغيبه

حَافِـيَةُ الَقَدمَيّـنْ ولِبَاسِي المَطـرْ يقول...

الوتين :
هههههه بالخير بالخير لا تخافين
كانت امي تسولف عنج عند توأمي

ههههههههه خوش مدرسه
انا مو نظام مدرسين للأسف
اللهم مره يبت فيزيا ورياضيات
احسهم منافقين -_-
بس اذا انتي بتدرسيني , لا بغير نظرتي عنهم :p
لا تخافين مزهبه الولاعه والطفايه ماعليج إلا الباكيت
----
حواجبها يبيلي أنظفها شوي
تدرين خبره
---
مشكوره حبيبتي على هالدعوه , والله يساعدنا إنشالله
عشان نحل عدل .. فبالتالي ما تتعبون بالتصليح
:*

حَافِـيَةُ الَقَدمَيّـنْ ولِبَاسِي المَطـرْ يقول...

هوبتي :

مشكوره ماتقصرين ,
من ذوقج .. حياج الله

الوتيــــــــــن يقول...

يامعودة اتغشمر *_* آنا زين فيني طاقة ادرس اللي عندي بالمدرسة .. تكسر دم وحالتي حالة ... بس قلبي معاكم :*

حَافِـيَةُ الَقَدمَيّـنْ ولِبَاسِي المَطـرْ يقول...

الوتين :
ادري فيج تتغشمرين , بعد عمري تردون الدوام متكسرين مافيكم حيل ولا شده تسوون شي

ماتشوفين شر :* حطي بالج على صحتج
ترى المدرسه ماتردلج إياها

لولا الأمل يقول...

آه يالاسمر يا زيييين :P

كل الناس تتغنى بالسمار .. منو قدنا بس :P

خووش بووست .. والصورة لا تعليق :P

حَافِـيَةُ الَقَدمَيّـنْ ولِبَاسِي المَطـرْ يقول...

لولا الأمل :

الشوق أمرني اطيعك وأنسى خلاني :p
إيي والله ,

ههههه انا عارفه إن الصوره مسويتلكم ازمه معلش

خبّرني العندليب يقول...

فقد حدّقتِ بي ،
وأشعلت ِ جمر الغضا يسري
يا سمراء ُ والعشق ٌ عناصرٌ
منها مايذوب ُ
وفي العرقِ تأكسد !
يا سيدةَ الفتون ِ
يا امرأة ً لو لعقت ٌ مبسمها
كتبت ُ قصيداً
من زبرجد !

حَافِـيَةُ الَقَدمَيّـنْ ولِبَاسِي المَطـرْ يقول...

خَبرني العندليب :
وَفي لَون الجَمال المُخمَلي
وفي أنْقَاضِ أجْفَاني ,
قَدْ تَلاشتْ صُورتي !
كُلُ مَا أراهُ فِي محجري
أنَا عَلى هيئةِ عرفانٍ وشكرْ

عَندلِيبنا ,
أشتقنَا لصوتكَ هُنا

crazy in freedom يقول...

^^

اعجبني النص

وراق لي

وبعدين منو اللي راح يقول ان الصوره مو حلوه

الصوره حتى انا عاجبتني^^

saroo00n يقول...

أمبيه هذي الخاطره عجبتني وااااااااااااااااايد او القصيده مادري لووول بس وااااااااااايدد عجبتني ماشالله

(حلـم)،، يقول...
أزال المؤلف هذا التعليق.
أحمد يقول...

أخت مراسيم.. ترى في فرق بين اللون الأسمر والبرونزي والقمحي، وفيه ناس كثير تلخبط بينها، فأنت أي الدرجات تقصدين؟